బహిర్భూమికి వెళ్లిన మహిళ అదృశ్యం

దిశ, హన్వాడ : ఆస్పత్రికి చూయించుకోవడానికి వచ్చిన మహిళ బహిర్భూమికి వెళ్లి అదృశ్యమైన ఘటన హన్వాడ పోలీస్ స్టేషన్ పరిధిలో చోటుచేసుకుంది. ఎస్సై వెంకటేష్ తెలిపిన వివరాల మేరకు..మహమ్మదాబాద్ మండలం చెన్నయపల్లి గ్రామానికి చెందిన బేతరమోని అనిత (22) తన భర్త చెన్నయ్య తో కలిసి ఈ నెల 23 న ఆరోగ్యం బాగాలేదని హన్వాడ మండల కేంద్రానికి వచ్చారు. ఆస్పత్రికి చూయించుకున్న తర్వాత సాయంత్రం 4 గంటల సమయంలో బహిర్భూమికి వెళ్ళొస్తానని వెళ్లిన భార్య తిరిగి రాలేదని, ఎంతవెతికినా ఆమె ఆచూకి దొరకలేదు. దీంతో భర్త చెన్నయ్య ఫిర్యాదు మేరకు మిస్సింగ్ కేసు నమోదు చేసినట్లు ఎస్సై వెంకటేష్ తెలిపారు.