KCR ఓటమి.. ‘ట్రోల్స్ ఆర్ వెల్‌కమ్’ అంటూ ప్రకాష్ రాజ్ ట్వీట్!
దిశ, వెబ్‌డెస్క్ : తెలంగాణ అసెంబ్లీ ఎన్నికల్లో కాంగ్రెస్ పార్టీ సింగిల్ లార్జెస్ట్ పార్టీ అవతరించింది. ఇప్పటికే కాంగ్రెస్ శ్రేణులు ఫుల్ జోష్‌లో ఉన్నాయి. పదేళ్ల తర్వాత అధికారం దక్కడంతో సంబరాలు చేసుకుంటున్నాయి. ఇక, తెలంగాణలో సీఎం కేసీఆర్ ఓటమిపై నటుడు ప్రకాష్ రాజ్ స్పందించారు.
‘ప్రజల తీర్పును గౌరవిస్తున్నా.. కంగ్రాట్స్ టు కాంగ్రెస్.. థాంక్యూ కేసీఆర్, కేటీఆర్ ఫర్ ఎవ్రీథింగ్. మేము మీతో ఉన్నాం. తెలంగాణ కోసం మీ గుండె తపిస్తుందని మాకు తెలుసు. ఫలితాలు బాధించాయి. (ట్రోల్స్ చేసే వారికి స్వాగతం)’ అంటూ కామెంట్ పెట్టారు. ఈ ట్వీట్‌కు ‘గెలిస్తే పొంగేది లేదు... ఓడితే కుంగేది లేదు..’ అని రాసి ఉన్న కేసీఆర్ ఫోటోను జత చేశారు.
కాగా తొలి నుంచి కేసీఆర్‌కు ప్రకాష్ రాజ్ మద్దతు తెలుపుతూ వస్తున్నారు. ఒక సందర్భంలో స్ట్రాటజిస్ట్ పీకేతో కలిసి కాళేశ్వరం బ్యారేజీని సైతం సందర్శించారు. అయితే అనూహ్యంగా పీకే బీఆర్ఎస్ ఎన్నికల స్ట్రాటజిస్ట్‌గా తప్పుకున్నారు.
