ప్రగతిలో ఎన్నికల నిర్వహణ పై విద్యార్థులకు అవగాహన

దిశ, రాయికల్ : విద్యార్థులలో నాయకత్వ లక్షణాలను పెంపొందించాలని, ఎన్నికల నిర్వహణ పై విద్యార్థులకు అవగాహన కల్పించాలనే ఉద్దేశంతో పట్టణంలోని ప్రగతి ఉన్నత పాఠశాలలో శనివారం అధ్యక్ష ఉపాధ్యక్ష, క్రీడా కన్వీనర్ పోటీలకు ఎన్నికలు నిర్వహించి విద్యార్థులకు ఎన్నికల నిర్వహణ పై అవగాహన నిర్వహించారు.

ఈ కార్యక్రమంలో భాగంగా విద్యార్థులు ఓటు హక్కును వినియోగించుకున్నారు. ఈ సందర్భంగా పాఠశాల ప్రిన్సిపాల్ బాలె శేఖర్ మాట్లాడుతూ ప్రతి విద్యార్థి దశ నుంచే ఎన్నికల పై అవగాహన ఉండాలనే ఉద్దేశ్యంతో అవగాహన సదస్సు నిర్వహించి నట్లు తెలిపారు. ఈ కార్యక్రమంలో పాఠశాల ప్రిన్సిపాల్ బాలె శేఖర్, కరస్పాండెంట్ బాలె జయశ్రీ అకడమిక్ డైరెక్టర్ నిఖిల్ కుమార్, ఉపాధ్యాయ బృందం, విద్యార్థులు తదితరులు పాల్గొన్నారు.