జాతీయ హ్యాండ్ బాల్ పోటీలకు గుళ్లకోట విద్యార్థి ఎంపిక
దిశ, వెల్గటూర్ : ఎండపల్లి మండలంలోని గుల్లకోట జెడ్పీహెచ్ఎస్ పాఠశాలకు చెందిన గొల్లపల్లి మణి తేజ అనే విద్యార్థి జాతీయ స్థాయి హ్యాండ్ బాల్ పోటీలకు ఎంపికయ్యాడని పీడీ భూమేష్, పీఈటీ సాయి తెలిపారు. ఈనెల 8 తేదీ నుండి 10 వరకు సిద్దిపేట జిల్లా హుస్నాబాద్ లో జరిగిన అండర్ 14 రాష్ట్రస్థాయి హ్యాండ్ బాల్ పోటీలలో పాల్గొని అత్యంత ప్రతిభ కనబరిచి జాతీయ స్థాయికి ఎంపికయ్యారని ఫిజికల్ డైరెక్టర్ భూమేష్ తెలిపారు.
ఈనెల 25 నుండి 29 వరకు చత్తీస్గడ్ రాష్ట్రంలోని మహశముందు జిల్లాలో జరిగే జాతీయ స్థాయి హ్యాండ్ బాల్ పోటీల్లో పాల్గొంటారని పేర్కొన్నారు. జాతీయ స్థాయికి ఎంపికైన మనితేజను పాఠశాల హెచ్ ఎం, ఎంఈఓ జి.రామచంద్రం, జగిత్యాల జిల్లా ఎస్జీఎఫ్ సెక్రటరీ లక్ష్మీరామ్ నాయక్, మాజీ సైనికులు ముదిగంటి రమణారెడ్డి, హ్యాండ్ బాల్ అసోసియేషన్ ఆఫ్ కరీంనగర్ జిల్లా ప్రధాన కార్యదర్శి జిట్టవేణి శ్రీను, సీఐఎస్ఎఫ్ బాస మహేష్, పీఈటీలు సాయికుమార్, మౌనిక, సన, గౌతమి, సీనియర్ క్రీడాకారులు అక్షయ్, జీవన్ గాయత్రి, ఉపాధ్యాయ బృందం, గ్రామ ప్రజాప్రతినిధులు, గ్రామస్తులు అభినందనలు తెలియజేశారు.
