పోలీసులు రాగానే దొంగలు పరార్... రోడ్డుపై చిందర వందరగా పడ్డ నోట్లు (వీడియో)

దిశ, కోరుట్ల: కోరుట్ల పట్టణంలోని పోలీస్ స్టేషన్ కు కుత వేటు దూరంలో ఉన్న ఎస్బీఐ తండ్రియాలా బ్రాంచ్ లో శనివారం అర్ధరాత్రి 2 గంటల సమయంలో చోరీ యత్నం జరిగింది. బ్రీజ కారులో నలుగురు గుర్తు తెలియని వ్యక్తులు శనివారం అర్ధరాత్రి ఎస్బీఐ బ్యాంకు వద్ద కారు నిలుపుదల చేసి ఏటీఎంలోకి చొరబడి సుమారు అరగంటపాటు ఏటీఎంలో ఉండి, వారు తెచ్చుకున్న ఆయుధాలతో పగులగొట్టి అందులోని డబ్బులను దొంగలించారు. సైరన్ మొగడంతో పోలీసులు అప్రమత్తమై దొంగలు ప్రయాణిస్తున్న కారును పోలీసు వాహనంతో చేజ్ చేయగా, దొంగలు ప్రయాణిస్తున్న కారు నుండి డబ్బు రోడ్డుపై చిందర వందరగా పడిపోయాయి. సుమారు 19 లక్షల 200 రూపాయలను పోలీసులు స్వాధీనం చేసుకున్నట్లు తెలిసింది. కాగా, కారులో పారిపోయిన దొంగలను పట్టుకునేందుకు పోలీసులు గాలింపు చర్యలు చేపట్టారు. స్వాధీనం చేసుకున్న డబ్బును పోలీస్ స్టేషన్ కు తరలించారు. ఈ సందర్భంగా ఎస్బీఐ తండ్రియాలా బ్యాంకు మేనేజర్ గోపిని సంప్రదించగా, దొంగలించిన డబ్బులంతా పోలీసులు రికవరీ చేశారని వెల్లడించారు.