అవినాష్ కు మద్దతుగా ఫ్లెక్సీలు ఏర్పాటు

దిశ, గొల్లపల్లి : ప్రముఖ జబర్దస్త్ కమెడియన్ ముక్కు అవినాష్ కు బిగ్ బాస్ 8 లో ఓటు వేయాలని తన అభిమానులు జగిత్యాల జిల్లా గొల్లపల్లి మండల కేంద్రంలోని పలు కూడళ్లలో ఫ్లెక్సీలు ఏర్పాటు చేశారు. మండలంలోని రాఘవపట్నం గ్రామానికి చెందిన అవినాష్ జబర్దస్త్ ప్రోగ్రాం, పలు టీవీ షో ల ద్వారా మంచి గుర్తింపు పొందాడు.

కాగా ప్రస్తుతం బిగ్ బాస్ సీజన్ 8 లో పాల్గొన్న అవినాష్ చాలా చక్కటి గేమ్ ఆడుతూ అందరి అభిమానాన్ని సంపాదించుకుంటున్నారు. దీంతో అవినాష్ ను బిగ్ బాస్ 8లో విజేతగా నిలిపేందుకు తన అభిమానులు ప్రచారం ముమ్మరం చేశారు. ఇందులో భాగంగా అవినాష్ బిగ్ బాస్ 8లో విజేతగా నిలిస్తే మన జగిత్యాల జిల్లా పేరు రాష్ట్ర వ్యాప్తంగా మారుమోగుతుందని, అందుకు ప్రతి ఒక్కరూ సహకరించి అవినాష్ కు ఓటువేయాలని కోరుతూ ఫ్లెక్సీలు ఏర్పాటు చేశారు.