ఓడించడానికే ఈ రాజకీయమా..? రేవంత్ రెడ్డి, కేసీఆర్‌లపై T-BJP సంచలన ట్వీట్
దిశ, వెబ్‌డెస్క్: పార్లమెంట్ ఎన్నికల వేళ బీజేపీ, కాంగ్రెస్, బీఆర్ఎస్‌ల మధ్య ట్వీట్ వార్ నడుస్తోంది. బీఆర్ఎస్‌తో బీజేపీ చీకటి ఒప్పందం అని కాంగ్రెస్ అంటుంటే.. లేదు కాంగ్రెస్ బీజేపీ రెండు ఒక్కటే అని బీఆర్ఎస్ ఆరోపిస్తోంది. ఇక, ఇదే అంశంపై టీ బీజేపీ ట్విట్టర్ వేదికగా సంచలన పోస్ట్ పెట్టింది. ‘బీఆర్ఎస్ అవినీతిపై సమగ్ర దర్యాప్తునకు ఆదేశించకుండా రేవంత్ సర్కార్ కొత్త డ్రామా ఆడుతుంది. కాంగ్రెస్, బీఆర్ఎస్ ల చీకటి ఒప్పందాలను ప్రజలు గమనిస్తున్నారు.’ అని ట్వీట్ చేసింది. ఈ ట్వీట్‌కు 100 రోజులు గడిచిపాయే.. ఎన్ని నాళ్లు ఈ పిల్లి బిత్తిరి మాటలు రేవంత్ రెడ్డి.. లేస్తే మనిషిని కాదన్నట్లు మాట్లాడుతూ.. కేసీఆర్ అవినీతిపై మాత్రం చర్యలు ఎందుకు తీసుకోవడం లేదు.. బీజేపీని ఓడించడానికే మీ చీకటి ఒప్పందాల రాజకీయమా..? ఈ బిల్లా - రంగా రాజకీయాన్ని తెలంగాణ ప్రజలు సహించరు..’ అని రాసి ఉన్న రేవంత్ రెడ్డి, కేసీఆర్‌ల ఫొటోను ట్వీట్ చేసింది.
