దళిత బంధుతోనే దళితుల అభ్యున్నతి: ఎమ్మెల్యే ముఠా గోపాల్

దిశ, ముషీరాబాద్: దళిత బంధుతోనే దళితుల అభ్యున్నతి జరుగుతుందని ముషీరాబాద్ నియోజకవర్గం ఎమ్మెల్యే ముఠా గోపాల్ అన్నారు. గాంధీనగర్ డివిజన్‌కు చెందిన బత్తుల కిరణ్ కు దళిత బంధు పథకం ద్వారా మంజూరైన కారును ఎమ్మెల్యే ముఠా గోపాల్ అందజేశారు. ఈ సందర్భంగా ఆయన మాట్లాడుతూ బీజేపీ పాలిత రాష్ట్రాల్లో లేని దళిత బంధు పథకాన్ని సీఎం కేసీఆర్ అద్భుతంగా అమలు చేస్తున్నారన్నారు.

ఈ పథకం ద్వారా దళితుల జీవితాలు బాగుపడుతున్నాయని, ఆర్థికంగా ఎదగడానికి ఈ పథకం ఎందో దోహదం చేస్తుందన్నారు. ఈ కార్యక్రమంలో బీఆర్ఎస్ నాయకులు ముఠా జైసింహా, మాజీ కార్పొరేటర్ పద్మ, నాయకులు మారిశెట్టి నర్సింగ్ రావు, గడ్డమీది శ్రీనివాస్, గుండు జగదీష్ బాబు, చందు, సంతోష్, సత్య, ఎర్రం శ్రీనివాస్ గుప్త, పున్న సత్యనారాయణ, జహంగీర్ తదితరులు పాల్గొన్నారు.