పంజాగుట్ట కారు బీభత్సం నిందితుడు పరారీ

దిశ, ఖైరతాబాద్ : పంజాగుట్ట పోలీస్ స్టేషన్ పరిధిలో నిన్న రాత్రి కారుతో బీభత్సం సృష్టించిన వ్యక్తి పోలీసు స్టేషన్ నుంచి పరార్ అయ్యాడు. చార్మినార్ ప్రాంతానికి చెందిన కార్ల దొంగ అమీర్ అలీ జూమ్ యాప్ ద్వారా కారు బుక్ చేసుకుని కారుతో ఉడాయించాడు. శుక్రవారం రాత్రి కారుతో అమీర్పేట నుండి పంజాగుట్ట మెట్రో స్టేషన్ వైపు పారిపోతున్న

అమీర్ అలీని పట్టుకోవడానికి కారు యజమాని ప్రయత్నిస్తుండగా అతివేగంతో అడ్డు వచ్చిన వారిని కారుతో ఢీ కొట్టుకుంటూ వెళ్లాడు. వెంటనే స్థానికులు అతడిని పట్టుకొని దేహశుద్ధి చేసి పోలీస్ స్టేషన్లో అప్పగించారు. నిందితుడికి రక్తస్రావం కావడంతో పోలీసులు చికిత్స మేరకు ఆస్పత్రికి తరలించారు. అనంతరం డ్రంక్ అండ్ డ్రైవ్ పరీక్షలు నిర్వహించే సమయంలో పోలీసుల కళ్లు కప్పి నిందితుడు పారిపోయాడు. నిందితుడి కోసం పోలీసులు వెతుకుతున్నట్లు సమాచారం.