జూబ్లీహిల్స్ గ్యాంగ్ రేప్ కేసులో వెలుగులోకి కీలక ఆధారాలు.. బాలికను గోర్లతో రక్కి..
దిశ, వెబ్‌డెస్క్: జూబ్లీహిల్స్ బాలికపై గ్యాంగ్‌రేప్ కేసులో రోజురోజుకు సంచలన విషయాలు వెలుగులోకి వస్తున్నాయి. నిందితులను పోలీసులు కస్టడీలోకి తీసుకుని విచారిస్తున్న నేపథ్యంలో అసలు ఆ రోజు ఏం జరిగిందో ఇప్పుడిప్పుడే వెలుగులోకి వస్తున్నాయి.
ప్రస్తుతం సాదుద్ధీన్‌ను పోలీసులు విచారిస్తున్న సంగతి తెలిసిందే. కాగా, మే 28న బాలికను నమ్మించి కారులో ఎక్కించుకుని తీసుకెళ్లిన నిందితులు ఆమెపై అత్యాచారయత్నం చేశారు. ఆ సమయంలో బాలిక భయపడి తీవ్రంగా ప్రతిఘటించడంతో ఆగ్రహించిన నిందితులు ఆమె పట్ల రాక్షసంగా ప్రవర్తించారని మెడికల్ రిపోర్టులో వెల్లడైంది. అత్యాచారం సమయంలో గోర్లతో రక్కడంతోపాటు బాలిక శరీరంపై పలుచోట్ల గాయాలు చేశారని డాక్టర్లు రిపోర్ట్ ఇచ్చారు. ఆ రిపోర్ట్ ఆధారంగా కారులో బాలిక పై జరిగిన దాడికి సంబంధించిన విషయాలను నిందితుల నుంచి రాబట్టాలని భావిస్తున్నారు పోలీసులు. కాగా, సాదుద్ధీన్ రెండవ రోజు విచారణ కొనసాగుతుండగా, శనివారం నుండి ముగ్గురు మైనర్లను విచారించనున్నారు.
