ఈ నెల 30న ఓయూలో జాబ్ మేళా

దిశ,సికింద్రాబాద్: ఉస్మానియా యూనివర్సిటీలోని యూనివర్సిటీ ఎంప్లాయిమెంట్ ఇన్ఫర్మేషన్ అండ్ గైడెన్స్ బ్యూరో ( మోడల్ కెరియర్ సెంటర్) లో ఫార్మసిస్ట్ పోస్టులకు ఈనెల 30వ తేదీన జాబ్ మేళా నిర్వహిస్తున్నట్లు యూనివర్సిటీ ఎంప్లాయిమెంట్ ఇన్ఫర్మేషన్ బ్యూరో డిప్యూటీ చీఫ్ టీ. రాము ఒక ప్రకటనలో తెలిపారు. అపోలో ఫార్మసీ కంపెనీ ఆధ్వర్యంలో నిర్వహించే ఈ జాబ్ మేళాలో ఫార్మసిస్ట్, ఫార్మసీ అసిస్టెంట్ ఉద్యోగాలకు ఇంటర్వ్యూలు నిర్వహించనున్నట్లు చెప్పారు. ఈ ఇంటర్వ్యూలకు ఫార్మసీలో డిప్లొమా, డిగ్రీ, మాస్టర్స్ చేసిన వారు అర్హులని చెప్పారు. ఫార్మసీలు 30, ఫార్మసీ అసిస్టెంట్లు 30 ఉద్యోగాలు ఖాళీలు ఉన్నట్లు తెలిపారు. 18 సంవత్సరాల పైబడిన అభ్యర్థులు 30 వ తేదీన ఉదయం 11 గంటలకు నేరుగా బయోడేటా, విద్యార్హతల సర్టిఫికెట్లతో ఉస్మానియా యూనివర్సిటీ ఎంప్లాయిమెంట్ బ్యూరో వద్దకు హాజరు కావాలని ఆయన సూచించారు.