డబ్బులు పంపిణీ చేస్తూ దొరికిపోయిన జీటీఎస్ టెంపుల్ చైర్మన్

దిశ, జూబ్లిహిల్స్ : మధురానగర్ పోలీస్ స్టేషన్ పరిధిలో అధికార బీఆర్ఎస్ పార్టీ ఎమ్మెల్యే అభ్యర్థి మాగంటి గోపీనాథ్ కి సంబంధించిన జీటీఎస్ టెంపుల్ చైర్మన్ చిన్నారమేష్ మంగళవారం రాత్రి ఓటర్ లకు డబ్బులు పంచుతుండగా ఫ్లయింగ్ స్క్వాడ్ బృందం రెడ్ హ్యాండెడ్ గా పట్టుకున్నారు. అనంతరం అతని వద్ద నుంచి 43,500రూపాయలు స్వాధీనం చేసుకుని, మధురా నగర్ పోలీస్ స్టేషన్ కి హ్యాండోవర్ చేశారు. దీంతో పోలీసులు చిన్నారమేష్ మీద కేసునమోదు చేసి దర్యాప్తు చేస్తున్నట్లు తెలిపారు.

మరొక సంఘటనలో ఎల్లారెడ్డి గూడలో మంగళవారం రాత్రి బీఆర్ఎస్ పార్టీకి చెందిన వ్యక్తులు డబ్బులు పంచుతుండగా ఫ్లయింగ్ స్క్వాడ్ బృందం రెడ్ హ్యాండెడ్ గా పట్టుకున్నారు. వారి వద్ద నుండి పోలీసులు 25,000 రూపాయలు స్వాధీనం చేసుకున్నారు. ఈ రెండు ఘటనల్లో బీఆర్ఎస్, కాంగ్రెస్ పార్టీకి చెందిన వ్యక్తులు మధ్య వాగ్వాదం జరిగింది. పోలీసులు రాకతో గొడవ సద్దుమణిగింది. బీఆర్ఎస్ ఎమ్మెల్యే మాగంటి గోపీనాథ్ ఓటమి భయంతోనే ప్రజలను డబ్బులతో ఎరవేసి ఓటుకు నోటు అని ఓటర్లను ప్రలోభ పెడుతున్నారని కాంగ్రెస్ , ఇతర పార్టీ నాయకులు మాగంటి గోపీనాథ్ పై మండి పడుతున్నారు.