సీఎం కేసీఆర్ ఒక గజదొంగ: మాజీ MP అంజన్​కుమార్​ యాదవ్

దిశ, తెలంగాణ బ్యూరో: 'సీఎం కేసీఆర్ ఒక గజదొంగ. కాంగ్రెస్ పార్టీకి చెందిన ఎమ్మెల్యేలను అక్రమంగా బీఆర్ఎస్‌లో చేర్చుకున్నాడు. భారీ స్థాయిలో లావాదేవీలు జరిగాయి. దీనిపై సీబీఐ ఎంక్వైరీ వేయాలి' అంటూ మాజీ ఎంపీ అంజన్​కుమార్ ​యాదవ్​ పేర్కొన్నారు. గురువారం ఆయన గాంధీభవన్‌లో మాట్లాడుతూ.. కాంగ్రెస్​ పార్టీ ఎమ్మెల్యేలను పదవులు, ఇతర ప్రబోభాలు ఆశ చూపి అధికార పార్టీలోకి తీసుకోవడం దారుణమన్నారు. కాంగ్రెస్ ఎమ్మెల్యేలు పార్టీమారడం అంశంపై పూర్తి స్థాయిలో విచారించాలని ఇప్పటికే పోలీస్​ స్టేషన్‌లో కేసులు వేశామన్నారు. పీసీసీ అధ్యక్షులు రేవంత్ రెడ్డి కూడా మరోసారి డీజీపీకి ఫిర్యాదు చేశారన్నారు. కానీ ఇప్పటి వరకు రెస్పాండ్​ లేదన్నారు. బీజేపీ, బీఆర్​ఎస్‌లు రెండు తోడు దొంగలని, ప్రజలు నమ్మాల్సిన పనిలేదన్నారు. ఈ కార్యక్రమంలో మెట్టు సాయికుమార్​పాల్గొన్నారు.

Also Read...

మంత్రి కేటీఆర్‌తో అసదుద్దీన్ ఒవైసీ భేటీ