CM Revanth Reddy: మరోసారి ఢిల్లీకి సీఎం రేవంత్ రెడ్డి.. అసలు విషయం ఇదే!
దిశ, వెబ్‌డెస్క్: సీఎం రేవంత్ రెడ్డి (CM Revanth Reddy) మరోసారి హస్తినకు వెళ్లనున్నారు. ఈ మేరకు ఇవాళ రాత్రి ఆయన శంషాబాద్ ఎయిర్‌పోర్టు (Shamshabad Airport) నుంచి ఢిల్లీ (Delhi)కి బయలుదేరనున్నారు. ఈ నెల 10న ఎమ్మెల్యే కోటా ఎమ్మెల్సీ అభ్యర్థుల నామినేషన్ల ప్రక్రియ మొదలుకానున్న నేపథ్యంలో ఆయన మరోసారి ఢిల్లీ (Delhi)కి వెళ్లడం ప్రాధాన్యతను సంతరించుకుంది. పార్టీలో ఇప్పటికే పలువురు సీనియర్ నేతలతో ఏఐసీసీ ఇంచార్జీ మీనాక్షి నటరాజన్ (Meenakshi Natarajan), టీపీసీసీ చీఫ్ మహేశ్ కుమార్ (TPCC Chief Mahesh Kumar Goud) చర్చించారు. ఎవరెవరికి ఏ పదవులు కావాలో వారినే అడిగి తెలుసుకున్నారు. ముఖ్యంగా ఎమ్మెల్యే కోటా ఎమ్మెల్సీ పదవులకు నేతల మధ్య తీవ్ర పోటీ నెలకొంది. ఇప్పటికే ఆశావహులు లాబీయింగ్ కోసం ఢిల్లీ (Delhi)కి క్యూ కట్టారు. ఈ నేపథ్యంలోనే సీఎం రేవంత్ రెడ్డి (CM Revanth Reddy) ఢిల్లీ టూర్ (Delhi Tour) పార్టీ వర్గాల్లో హాట్ టాపిక్‌గా మారింది. రేపు ఏఐసీసీ పెద్దలను సీఎం రేవంత్ రెడ్డి కలవనున్నారు. ఎమ్మెల్సీ అభ్యర్థుల ఎంపిక, తుది జాబితాపై కసరత్తు చేయనున్నట్లుగా తెలుస్తోంది. అంతా సజావుగా జరిగితే రేపు ఎమ్మెల్సీ అభ్యర్థిత్వాలపై తుది ప్రకటన వెలువడే అవకాశాలు ఉన్నాయి.
