బిగ్ బ్రేకింగ్ : హీరో రానా, నిర్మాత సురేష్ బాబులపై క్రిమినల్ కేసు

దిశ, తెలంగాణ క్రైమ్ బ్యూరో: భూ వివాదంలో సినీ హీరో దగ్గుపాటి రాణా, నిర్మాత దగ్గుపాటి సురేష్ బాబుపై క్రిమినల్ కేసులు నమోదయ్యాయి. ఫిలిం నగర్‌లోని ఓ భూమికి సంబంధించి వీరికి ప్రమోద్ కుమార్ అనే వ్యక్తితో గొడవలు ఉన్నాయి. కాగా రౌడీలతో తనను తన స్థలం నుంచి ఖాళీ చేయించారని కొంత కాలం క్రితం ప్రమోద్ కుమార్ బంజారా హిల్స్ పోలీస్ స్టేషన్లో ఫిర్యాదు చేసాడు. అయితే పోలీసులు ఈ ఫిర్యాదును పట్టించుకోలేదు. దాంతో ప్రమోద్ కుమార్ నాంపల్లి కోర్టులను ఆశ్రాయించాడు. ప్రమోద్ కుమార్ పిటిషన్‌ను విచారణ‌కు స్వీకరించిన కోర్టు రాణా, సురేష్ బాబు తో పాటు మరి కొందరిపై కేసులు నమోదు చేసి విచారణకు రావాలని సమన్లు జారీ చేసింది.