ప్రభుత్వ నిర్లక్ష్యంతోనే ఎంపీడీవో మృతి.. డీజీపీకి బక్క జడ్సన్ఫిర్యాదు
దిశ,తెలంగాణ బ్యూరో: ప్రభుత్వ నిర్లక్ష్యంతోనే జనగామ జిల్లాలోని ఎంపీడీవో మృతి చెందినట్లు సోమవారం డీజీపీకి బక్క జడ్సన్ఫిర్యాదు చేశారు. బచ్చన్నపేట మండలం పోచన్నపేటకు చెందిన రిటైర్డ్ ఎంపీడీవో నల్ల రామకృష్ణయ్య హత్య లో సంబంధిత దోషులపై చట్టరీత్యా కఠిన చర్యలు తీసుకోవాలని కోరారు. రామకృష్ణయ్య హత్య ముమ్మాటికీ ప్రభు త్వ నిర్లక్ష్యం, పోలీసుల వైఫల్యానికి నిదర్శనమేనని పేర్కొన్నారు. ఈ నెల 15న కిడ్నాప్ కు గురై హత్య జరగడం బాధాకరమన్నారు.ఈ హత్యకు పాల్పడ్డ నిందితులు గతంలో కూడా సుపారి హత్యలు చేశారని జడ్సన్ గుర్తు చేశారు.
అయితే స్థానిక బచ్చన్నపేట ఎస్సై నవీన్ కుమార్, అప్పటి సీఐ,ఏసీపీ స్థాయిలో అధికారులు కూడా సుభద్ర హత్యను పోస్టుమార్టం రిపోర్టులో తప్పుడు నివేదికలు ఇచ్చారన్నారు. ఆ హత్య జరిగినప్పుడే నిందితులను అదుపులోకి తీసుకొని ఉంటే, తాజాగా రిటైర్డ్ ఎంపీడీవో నల్ల రామకృష్ణయ్య హత్య జరిగి ఉండేది కాదని జడ్సన్ తెలిపారు. ప్రభుత్వ వైఫల్యంతోనే ఇలాంటి సంఘటనలు జరుగుతున్నాయన్నారు. ముఖ్యంగా దళితులు, మహిళలపై బీఆర్ఎస్సర్కార్లో దాడులు పెరిగాయన్నారు.
