మహిళలు అన్ని రంగాల్లో రాణించాలి

దిశ, ఖానాపూర్: మహిళలు అన్ని రంగాల్లో రాణించాలని ఎమ్మెల్యే వెలమ బొజ్జు పటేల్ అన్నారు. నిర్మల్ జిల్లా ఖానాపూర్ పట్టణంలోని ఎమ్మెల్యే క్యాంపు కార్యాలయంలో శుక్రవారం నిర్వహించిన అంతర్జాతీయ మహిళా దినోత్సవ వేడుకల్లో సందర్భంగా ఎమ్మెల్యే మాట్లాడుతూ స్త్రీలను గౌరవించడం మన భారతీయు సంస్కృతి సంప్రదాయం అన్నారు. మహిళలను అన్ని రంగాల్లో సమాన అవకాశాలు కల్పిద్దామని , సమ సమాజ నిర్మాణంలో మహిళల పాత్ర ప్రధానం అని అన్నారు. కుటుంబ బాధ్యతతో పాటు సామాజిక, సాంకేతిక విద్య ఉద్యోగ రంగాల్లో మహిళలే ముందుంటున్నారని తెలుపారు. రాష్ట్ర సీఎం రేవంత్ రెడ్డి మహిళలను అన్ని రంగాల్లోకి రాణించేందుకు ముందుకు సాగుతున్నారన్నారు. అందుకే 6 గ్యారంటీ పథకాలు మహిళలకు అమలు చేయడం వారికి అండగా ఉంటుంది అని తెలిపారు.

మహిళలకు ఏ సమస్య వచ్చిన ఎమ్మెల్యే గా ఖచ్చితంగా మహిళల పక్షాన నిలబడతానని అన్నారు. మాజీ ఎమ్మెల్యే అజ్మీర రేఖ శ్యాం నాయక్‌ను అంతర్జాతీయ మహిళా దినోత్సవం సందర్భంగా ఎమ్మెల్యే ఘనంగా సన్మానించారు. ఈ కార్యక్రమంలో మాజీ ఎమ్మెల్యే రేఖ శ్యాం నాయక్ ,మున్సిపల్ చైర్మన్ రాజుర సత్యం, కాంగ్రెస్ పార్టీ మండల అధ్యక్షుడు దయానంద్, మున్సిపల్ వైస్ చైర్మన్ కావలి సంతోష్, కాంగ్రెస్ మండల జనరల్ సెక్రటరీ షబ్బీర్ పాషా, పార్టీ పట్టణ అధ్యక్షుడు నిమ్మల రమేష్, సీనియర్ నాయకులు అమానుల్లా ఖాన్, కాంగ్రెస్ పార్టీ మైనార్టీ మండల అధ్యక్షుడు సలీం ఖాన్, పార్టీ మైనార్టీ పట్టణ అధ్యక్షులు షౌకత్ పాషా, నాయకులు తోట సత్యం, కడర్ల గంగ నరసయ్య, లక్ష్మీ పతి గౌడ్, మిర్జా బేగ్, శేషాద్రి, శ్రీను, తదితరులు పాల్గొన్నారు.