ఈ సమ్మర్‌లో మార్కెట్లోకి రాబోతున్న Poco కొత్త మోడల్

దిశ, వెబ్‌డెస్క్: Poco కంపెనీ నుంచి కొత్త మోడల్ ‘Poco F5’ స్మార్ట్ ఫోన్ ఇండియాలో అమ్మకానికి రానుంది. మే 9న సాయంత్రం 5.30 గంటలకు ఇండియాతో పాటు, ప్రపంచవ్యాప్తంగా లాంచ్ అవుతుంది. ఈ విషయాన్ని కంపెనీ అధికారికంగా ట్విట్టర్ ద్వారా పేర్కొంది. ఇది Snapdragon 7+ Gen 2 SoC ద్వారా పనిచేస్తుంది. 8GB, 12GB RAM ఎంపికలలో 256GB స్టోరేజ్ ఆప్షన్లలో రానుంది. దీని బేస్ వేరియంట్ ధర రూ. 29,000. అంచనాల ప్రకారం, స్మార్ట్ ఫోన్ 6.67-అంగుళాల పూర్తి-HD+ OLED డిస్‌ప్లే‌తో, Android 13-ఆధారిత MIUI 14పై రన్ అవుతుంది. అలాగే, కెమెరాల పరంగా బ్యాక్‌సైడ్ 64MP+ 8MP+ 2MP ట్రిపుల్ రియర్ కెమెరా సెటప్ ఉండనుంది. ముందు సెల్ఫీల కోసం 16MP కెమెరా ఉంటుంది. ఫోన్ 67W చార్జింగ్ సపోర్ట్‌తో 5,000mAh బ్యాటరీతో వస్తుందని అంచనా వేస్తున్నారు.