‘నథింగ్ ఫోన్ 2’ లాంచ్‌ కన్‌ఫర్మ్

దిశ, వెబ్‌డెస్క్: స్మార్ట్ ఫోన్ తయారీ కంపెనీ నథింగ్ నుంచి కొత్తగా ‘నథింగ్ ఫోన్ 2’ ప్రపంచవ్యాప్తంగా జులైలో లాంచ్ కానుంది. ఈ విషయాన్ని నథింగ్ సహ వ్యవస్థాపకుడు, CEO కార్ల్ పే ఒక ఇంటర్వ్యూలో ధృవీకరించారు. గతంలో వచ్చిన నథింగ్ ఫోన్ 1 లో 4,500mAh బ్యాటరీ ఉండగా, ఇప్పుడు రాబోతున్న నథింగ్ ఫోన్ 2లో 4,700mAh బ్యాటరీ ఉండనుంది. దీనిలో స్నాప్‌డ్రాగన్ 8+ Gen 1 SoC ప్రాసెసర్‌ను అందించారు. గత ఏడాది జులైలో నథింగ్‌ ఫోన్‌ 1 స్మార్ట్ ఫోన్‌ను కంపెనీ భారత్‌తో పాటు పలు దేశాల్లో లాంచ్ చేసింది. దీనిలో మిడ్‌ రేంజ్‌ ఆక్టా కోర్‌ క్వాల్‌కామ్‌ స్నాప్‌డ్రాగన్‌ 778జీ+ ప్రాసెసర్‌‌ను అందించారు. రాబోయే కొత్త మోడల్ మరిన్ని లేటెస్ట్ ఫీచర్స్‌తో వస్తుందని ఇది వినియోగదారులకు బాగా నచ్చుతుందని కంపెనీ సహ వ్యవస్థాపకుడు, CEO కార్ల్ పే తెలిపారు.