ఫేక్ వెబ్ సైట్లను ఎలా గుర్తించాలంటే..?
దిశ, వెబ్ డెస్క్: ఇంటర్నెట్ బ్రౌజింగ్ చేసేవారు నిత్యం అనేక వెబ్ సైట్లను విజిట్ చేస్తుంటారు. అయితే అందులో ఏది ఫేక్ వెబ్ సైట్, ఏది నిజమైనదో తెలియక సైబర్ నేరగాళ్ల వలలో చిక్కుకుని లక్షల డబ్బును పొగొట్టుకుంటున్నారు. ఒక వెబ్సైట్ నకిలీదా, ఒరిజినల్‌దా? అని తెలుసుకునేందుకు టెక్ నిపుణులు కొన్ని సూచనలు చేశారు.
ఎలా గుర్తించాలంటే..?
* ఏదైనా వెబ్సైట్ ఓపెన్ చేసేముందు ముందుగా దాని డొమైన్ అడ్రెస్‌ను చెక్ చేసుకోవాలి.
* అసలు వెబ్సైట్ ఏదైనా https:// ఆ తర్వాత సంస్థ పేరుతో ప్రారంభమవుతుంది. ఇవి లేకుంటే అనుమానించాలి.
* అలాగే అడ్రెస్ చివర్లో . com, .org, .in కామన్ డొమైన్స్ ఉన్నాయో, లేదో చూసుకోవాలి.
* నేరగాళ్లు ఉపయోగించే వెబ్‌సైట్లు కొద్దికాలం కోసమే తయారుచేస్తారు. ఇటీవలే వెబ్సైట్ ప్రారంభించినట్లు కనిపిస్తే అనుమానించాల్సిందే.
* బ్రాండెడ్‌ సంస్థల వెబ్సైట్ తెరిచినప్పుడు పైన అడ్రస్‌బార్‌/URL బార్‌ ప్రారంభంలో కనిపించే ప్యాడ్‌లాక్‌ మీద క్లిక్‌ చేస్తే వెబ్సైట్ సమాచారం వస్తుంది.
* ఏదైనా వెబ్సైట్ తెరిచి ప్యాడ్‌లాక్‌ క్లిక్‌ చేసినప్పుడు వెబ్సైట్ భద్రతా ప్రమాణాలను తెలియజేస్తూ హెచ్చరిస్తుంది. నకిలీదైతే వెబ్‌సైట్లలో ఏదైనా సమాచారం నమోదు చేస్తే డేటా చోరీకి గురవుతుందని సూచిస్తుంది.
