TDP Mahanadu: నేటి నుంచి టీడీపీ మహానాడు.. తీర్మానాలు ఇవే..

దిశ, వెబ్‌డెస్క్: టీడీపీ మహానాడు నేడు ప్రారంభం కానుంది. కరోనా నేపథ్యంలో గత ఏడాదిలా ఈ సారి కూడా వర్చువల్ ద్వారానే మహానాడు జరుగుతుండగా.. ఆన్ లైన్ ద్వారా నేతలు, వేలాదిమంది కార్యకర్తలు పాల్గొననున్నారు. నేడు, రేపు మహానాడు నిర్వహించనున్నారు. ఈ రెండు రోజుల్లో ప్రజల సమస్యలు, ప్రభుత్వాల పనితీరుపై చర్చించనున్నారు. అనంతరం పలు తీర్మానాలు చేయనున్నారు.

వ్యవసాయ సంక్షోభం-సమస్యల సుడిలో అన్నదాత, సంక్షేమానికి కోతలు- మారని బలహీనవర్గాల తలరాతలు, ప్రజారోగ్యంపై ప్రభుత్వ నిర్లక్ష్యం, నిరుద్యోగ సమస్య-పరిశ్రమల మూసివేత, కొరవడిన మహిళా వికాసంపై మహానాడులో తీర్మానాలు చేయనున్నారు. కాగా ప్రతి ఏడాది ఎన్టీఆర్ జయంతి సందర్భంగా టీడీపీ మహానాడు నిర్వహించడం అనవాయితీగా వస్తోంది.