సూర్య బర్త్ డే స్పెషల్ వీడియో.. లక్షల్లో వ్యూస్
దిశ: సినిమా: తమిళ స్టార్‌ హీరో సూర్య కథానాయకుడిగా పాండిరాజ్‌ దర్శకత్వంలో తెరకెక్కుతోన్న చిత్రం 'ఎత్తారెక్కుమ్‌ తునిందవన్‌'. జూలై 23న సూర్య పుట్టినరోజు సందర్భంగా ఈ మూవీ ఫస్ట్‌లుక్‌‌ను విడుదల చేశారు మేకర్స్. కాగా.. నిమిషాల వ్యవధిలోనే ఫస్ట్‌లుక్‌ వీడియో లక్షల వ్యూస్ సొంతం చేసుకుంది. తెల్ల పంచె, చొక్కా వేసుకొని ఓ చేతిలో ఖడ్గం, మరో చేతిలో తుపాకీతో ఓ షెడ్డులో విలన్లను వెంబడించి వేటాడే సూర్య లుక్‌కు తోడు.. అభిమానుల అంచనాలకు ఏమాత్రం తగ్గకుండా మ్యూజిక్‌ డైరెక్టర్‌ ఇమ్మాన్‌ బ్యాక్‌గ్రౌండ్‌ స్కోర్‌ ఇచ్చారు. ఇక ఈ చిత్రం పూర్తిగా సామాజిక సందేశం ఇచ్చే ఓ మాస్‌ మూవీగా మేకర్స్ తీర్చిదిద్దనున్నారని సమాచారం. అలాగే సన్‌పిక్చర్స్‌ పతాకంపై కళానిధి మారన్‌ నిర్మిస్తున్న ఈ చిత్రంలో హీరోయిన్‌ ప్రియాంక అరుళ్‌ మోహన్‌ కాగా.. సత్యరాజ్‌, శరణ్య, సిబి, జయప్రకాశ్‌ కీలకపాత్రలు పోషించనున్నారు. '
