సౌతాఫ్రికా - విండీస్ తొలి టెస్ట్ డ్రా

దిశ, వెబ్ డెస్క్: సౌతాఫ్రికా వర్సెస్ వెస్టిండీస్ తొలి టెస్ట్ వర్షం కారణంగా డ్రాగా ముగిసింది. ఓవర్ నైట్ స్కోర్ 30/0 తో చివరి రోజు, సోమవారం ఆట కొనసాగించిన సౌతాఫ్రికా రెండో ఇన్నింగ్స్ ను 173/3 స్కోర్ వద్ద డిక్లేర్ చేసింది. అయితే తొలి ఇన్నింగ్స్ ఆధిక్యం కలుపుకొని విండీస్ కు 298 రన్స్ టార్గెట్ ఇచ్చింది. తర్వాత విండీస్ ఛేజింగ్ కి వచ్చిన వెంటనే వర్షం మొదలైంది. చివరకు బ్యాడ్ లైట్ తో మ్యాచ్ ముగిసే సమయానికి విండీస్ జట్టు 56.2 ఓవర్లలో 201/5 స్కోరు చేసింది. అలీక్ అతాజనే(92) చేసి సత్తా చాటాడు. సౌతాఫ్రికా బౌలర్లలో కేశవ్ మహారాజ్ 4 వికెట్లు తీశాడు. అయితే తొలి ఇన్నింగ్స్ లో సఫారీలు 327 పరుగులు చేయగా.. విండీస్ జట్టు 233 పరుగులు చేసి ఆలౌట్ అయింది. మహరాజ్ కు ప్లేయర్ ఆఫ్ ద మ్యాచ్ అవార్డు దక్కగా.. ఇరు జట్ల మధ్య ఈ నెల 15 న రెండో టెస్ట్ మొదలు కానుంది.