బిజిగిరి షరీఫ్ దర్గాలో తెలంగాణ మంత్రుల ప్రత్యేక పూజలు

దిశ, జమ్మికుంట : మండలంలోని బిజిగిరి షరీఫ్ సయ్యద్ ఇంకు శావలి దర్గాలో మంత్రులు కొప్పుల ఈశ్వర్, హరీష్ రావు, మహమూద్ అలీ, రైతు సమన్వయ సమితి చైర్మన్ పల్లా రాజేశ్వర్ రెడ్డి, ఎమ్మెల్యేలు కోరుకంటి చందర్, నన్నపనేని నరేందర్‌లు ఆదివారం ప్రత్యేక పూజలు నిర్వహించారు.

కాగా.. దర్గా నిర్వాహకులు మంత్రులకు ఘన స్వాగతం పలికారు. ఈ సందర్భంగా రాష్ట్రం సుభిక్షంగా ఉండాలని, ప్రజలు సుఖ సంతోషాలతో జీవించాలని కోరుతూ ప్రత్యేక ప్రార్థనలు చేశారు. మంత్రుల వెంట మున్సిపల్ చైర్మన్ తక్కల్లపల్లి రాజేశ్వరరావు, టీఆర్ఎస్ పట్టణ శాఖ అధ్యక్షుడు రాజ్ కుమార్, పలువురు కౌన్సిలర్లు, నాయకులు ఉన్నారు.