‘మేమిచ్చాం.. లేదు మనయే ఇచ్చారు’

నిర్మల్ జిల్లా సమీక్ష సమావేశంలో బీజేపీ ఎంపీ, టీఆర్ఎస్ మంత్రి ఒకే అంశంపై చెరో మాట మాట్లాడారు. ఆదిలాబాద్ ఎంపీ సోయం బాపురావు నేతృత్వంలో జిల్లా స్థాయి దిశ కమిటీ సమావేశం నిర్వహించారు. ఈ కార్యక్రమంలో మంత్రి ఇంద్రకరణ్‌రెడ్డి కూడా పాల్గొన్నారు. ఈ సందర్భంగా.. కేంద్ర ప్రభుత్వ పథకాలతోనే పేదలు లబ్ధి పొందుతున్నారని బాపురావు అన్నారు. దీనికి బదులుగా.. మనం చెల్లిస్తున్న వాటితోనే కేంద్రం నిధులు అందజేస్తుందని ఇంద్రకరణ్ రెడ్డి వ్యాఖ్యనించారు. పథకాల అంశంపై ఇరువురు నేతలు భిన్నాభిప్రాయాలు వ్యక్తం చేయడం జిల్లాలో చర్చనీయాంశంగా మారింది.