కురిచేడు ఘటనపై సిట్ విచారణ

దిశ, వెబ్‌డెస్క్: ప్రకాశం జిల్లా కురిచేడులో శానిటైజర్ తాగి పలువురు మృతి చెందిన వ్యవహారంపై ప్రభుత్వం సిట్ ఏర్పాటు చేసిన సంగతి తెలిసిందే. ఈ నేపథ్యంలోనే సిట్ విచారణ ముమ్మరం చేసింది. దీంతో సోమవారం కురిచేడు ప్రాంతంలో ఉన్న మెడికల్ స్టోర్స్, శానిటైజర్ కేంద్రాల్లో అధికారులు సోదాలు నిర్వహించారు. అలాగే, మృతులు ఉపయోగించిన శానిటైజర్ శాంపిల్స్ ను సిట్ బృందం సేకరించింది. సేకరించిన శాంపిల్స్‌ను అధికారులు కర్నాటకలోని సెంట్రల్‌ ల్యాబ్‌కు పంపినట్టు తెలిపారు.