అందుకు ఇంకా టైమ్ ఉంది : శృతి
గార్జియస్ హీరోయిన్ శృతి హాసన్ మల్టీ టాలెంటెడ్ అన్న విషయం తెలిసిందే. అటు మ్యూజిక్‌లో ప్రావీణ్యం ఉన్న శృతి.. ఇటు హీరోయిన్‌గానూ రాణిస్తోంది. గతేడాదంతా మ్యూజిక్ షోస్‌తో బిజీగా ఉన్న ఈ బ్యూటీ.. సినిమాలకు కొంచెం గ్యాప్ ఇచ్చింది. ప్రస్తుతం తెలుగులో రవితేజ సరసన ‘క్రాక్’ సినిమాలో చేస్తున్న శృతి.. వకీల్ సాబ్‌లో పవర్ స్టార్ పవన్ కళ్యాణ్‌తో జతకడుతుందన్న వార్తలు వెలువడ్డాయి. కాగా, దీనిపై క్లారిటీనిచ్చింది శృతి. సోషల్ మీడియాలో అభిమానులతో చిట్‌చాట్‌ చేసిన భామ.. వకీల్ సాబ్‌లో నటిస్తున్నట్లు స్పష్టం చేసింది. కానీ ఆ పాత్రకు సంబంధించిన వివరాలు మాత్రం ఇప్పుడే చెప్పలేనని తెలిపింది.
ఈ క్రమంలో ఫ్యాన్స్.. తన డ్రీమ్ రోల్ గురించి ప్రశ్నించగా.. అలాంటివేమీ లేవు కానీ, ఫుల్ లెంత్ మ్యూజీషియన్ రోల్ చేస్తే బాగుంటుందని అనుకుంటున్నట్లు అభిప్రాయపడింది. హీరోయిన్‌గా మాత్రమే కాదు నెగెటివ్ రోల్స్ కూడా చేసేందుకు సిద్ధంగా ఉన్నానని తెలిపిన శృతి.. ప్రస్తుతం పూర్తిగా నటనపైనే దృష్టిపెట్టినట్లు చెప్పింది. ఫ్యూచర్‌లో మాత్రం సంగీతంపైనే కాన్సంట్రేట్ చేస్తానని.. కానీ దానికి ఇంకా సమయం పడుతుందని వెల్లడించింది. కాగా శృతి నటించిన ‘యారా’ సినిమా జులై 30న రిలీజ్‌కు సిద్ధంగా ఉంది. జీ5 ప్రీమియంలో ప్రసారం కానున్న ఈ సినిమా ట్రైలర్ ఇప్పటికే ఆకట్టుకుంది.
