నెపోటిజంపై శిల్ప కామెంట్స్

నెపోటిజం.. ఇప్పుడు ఎక్కడ చూసినా ఇదే చర్చ. సుశాంత్ సింగ్ రాజ్‌పుత్ మరణం తర్వాత బంధుప్రీతి గురించి భారీ చర్చ నడుస్తుండగా.. అసలు దాని గురించి పట్టించుకోనని చెప్తోంది శిల్పా శెట్టి. నెపోటిజం గురించి ఒకరికున్న అభిప్రాయాన్ని నేను తప్పు పట్టడం లేదన్న శిల్ప.. తను ఔట్‌సైడర్ అయినా సరే ఇంత దూరం రాగలిగానంటే కృషి, పట్టుదలే కారణమని చెప్పింది.

‘విధి కన్నా నెపోటిజం అనేది ఎక్కువ ప్రభావితం చేస్తుందంటే మాత్రం ఒప్పుకోను. నీకు శక్తి ఉండి, నువు అనుకున్న గమ్యం చేరాలంటే పోరాడుతూనే ఉండాలి. అలాంటప్పుడు ఏ ఒక్కరు కూడా నీ లక్ష్యం చేరకుండా ఆపలేరని’ అంటోంది శిల్ప. 1992లో బాజీగర్ సినిమాతో బాలీవుడ్ ప్రయాణాన్ని ప్రారంభించిన తను ఈ స్థాయిలో ఉందంటే అందుకు కారణం తన హార్డ్ వర్క్ మాత్రమే అని తెలిపింది.