షారుఖ్ తన కంఫర్ట్ జోన్ నుంచి బయటకు రావాల్సిన అవసరం ఉంది.. స్టార్ యాక్టర్

దిశ, సినిమా: సౌత్ ఇండియన్ సినిమా ఇండస్ట్రీలో గొప్ప నటుడిగా గుర్తింపు తెచ్చుకున్న మహేష్ మంజ్రేకర్.. బాలీవుడ్ హీరో షారుక్‌ఖాన్ గురించి సంచలన కామెంట్ చేశాడు. షారుఖ్ టాలెంట్‌కు న్యాయం చేయని నటుడంటూ తన అభిప్రాయాన్ని వ్యక్తం చేశాడు. అయితే మహేష్ నటుడిగానే కాదు డైరెక్టర్‌గా కూడా తన టాలెంట్ చూపించగా.. తాజాగా తన దర్శకత్వంలో సల్మాన్ హీరోగా ‘అంతిమ్’ సినిమాను తెరకెక్కించిన విషయం తెలిసిందే. కాగా ఈ మూవీ రిలీజ్ సందర్భంగా మీడియాకు ఇచ్చిన ఇంటర్వూలో షారుఖ్‌ ఖాన్ గురించి ఈ విషయాలు పంచుకున్నాడు.

‘తనకున్న ప్రతిభకు న్యాయం చేయని నటుడెవరంటే నేను షారూఖ్ పేరే చెబుతా. అతడు తన కంఫర్ట్ జోన్ అనుకున్న దానినుంచి బయటకు రావడం లేదు. ప్రస్తుతం రణ్‌బీర్, రణ్‌వీర్ చేయాల్సిన పాత్రలనే తాను చేయాలనుకుంటున్నాడు. కానీ అలాంటి పాత్రల్లో షారూఖ్‌ను చూడాలని ఎవరనుకుంటారు. అందుకే ఈ మధ్య అతడి సినిమాలు ఫ్లాప్ అవుతున్నాయి. షారుఖ్ తన వయసుకు తగ్గ పాత్రలు చేస్తే మంచిది. తనలోని నటుడిని ఇంకా పూర్తి స్థాయిలో నిరూపించుకోవాలి. అతడు మంచి నటుడే కానీ మరింత కళకు జీవంపోసేలా షారూఖ్ ప్రయత్నించాలి’ అని మహేష్ వివరించాడు.