స్కూల్స్ రీఓపెన్ వేళ కుప్పకూలిన వంటగది పైకప్పు

దిశ, నందిపేట్: నందిపేట్ మండలం మాయాపూర్ గ్రామ పంచాయతీ పరిధిలోని ప్రైమరీ స్కూల్లో వంట గది పైకప్పు వర్షానికి కుప్పకూలింది. చిన్న పాటి వర్షానికే పైకప్పు కూలడంతో కాంట్రాక్టర్‌పై గ్రామస్తులు మండిపడుతున్నారు. బుధవారం నుంచి విద్యా సంస్థలు రీఓపెన్ అవుతున్న సంగతి తెలిసిందే. ఇదే సమయంలో పాఠశాల గ్రౌండ్‌లో వర్షపు నీరు నిలిచింది. ప్రస్తుతం మలేరియా, డెంగీలాంటి సీజనల్ వ్యాధులు విజృంభిస్తున్న సమయంలో తల్లిదండ్రులు స్కూల్స్‌కు పిల్లలను పంపియ్యాలంటే జంకుతున్నారు. ఇప్పటికైనా సంబంధిత అధికారులు స్పందించి మరమ్మతులు చేపట్టాలని గ్రామ ప్రజలు కోరుతున్నారు.