బాలీవుడ్‌ను నమ్ముకున్న సందీప్ రెడ్డి?
దర్శకుడు సందీప్ వంగా.. తొలి సినిమా అర్జున్ రెడ్డితో రికార్డ్స్ క్రియేట్ చేశాడు. విజయ్ దేవరకొండకు స్టార్ రేంజ్ కట్టబెట్టిన ఈ సినిమాను హిందీలో కూడా తనే రీమేక్ చేసిన విషయం తెలిసిందే. షాహిద్ కపూర్, కియారా అద్వానీ హీరో హీరోయిన్లుగా కబీర్ సింగ్‌గా తెరకెక్కిన చిత్రం.. అక్కడ కూడా భారీ కలెక్షన్లు సాధించింది. అయితే ఈ సినిమా విడుదలై ఆల్రెడీ ఏడాది కంప్లీట్ అయినా, సందీప్ నుంచి మరో సినిమా లేదు.
ఆ మధ్య క్రైమ్ థ్రిల్లర్ మూవీని తెరకెక్కించే పనిలో బాలీవుడ్ హీరో రణ్‌బీర్ కపూర్‌ను కలవగా ‘నో’ చెప్పాడట. తర్వాత ఆ ప్రాజెక్ట్ ప్రభాస్ దగ్గరికి వెళ్లిందట. కానీ తను కూడా గ్రీన్ సిగ్నల్ ఇవ్వకపోవడంతో అక్కడే ఆగిపోయింది. అయితే ఈ మధ్యే రణ్‌బీర్ కపూర్‌ను మళ్లీ కలిశాడట సందీప్. ఈసారి పకడ్బందీ స్క్రిప్ట్‌తో వెళ్ళిన తనకు పాజిటివ్ రెస్పాన్స్ వచ్చిందని సమాచారం. ఇదే కనుక నిజమైతే సందీప్, రణ్‌బీర్ కాంబినేషన్ పక్కాగా అదిరిపోతుందని.. సినిమా సూపర్ సక్సెస్ అవుతుందని అంటున్నారు విశ్లేషకులు.
