మహమ్మద్ షమీకి అండగా నిలిచిన సచిన్ టెండూల్కర్
దిశ, వెబ్‌డెస్క్: దుబాయ్ వేదికగా జరిగిన టీ20 వ‌ర‌ల్డ్ క‌ప్‌ మ్యాచ్‌లో పాకిస్థాన్ చేతిలో భారత్ ఘోర పరాభవం పాలైన సంగతి తెలిసిందే. దీంతో ఇండియా ఓట‌మి త‌రువాత ఫాస్ట్ బౌలర్ మహమ్మద్ షమీపై సోషల్ మీడియాలో విప‌రీతంగా ట్రోలింగ్ మొద‌లైంది. దీనిపై భారత క్రికెట్ దిగ్గజం సచిన్ టెండూల్కర్ స్పందించారు. షమీకి మద్దతుగా నిలిచాడు. టీం ఇండియాను సపోర్ట్ చేయడం అంటే అందులో ప్రతీ ఒక్కరినీ సపోర్ట్ చేయడమేనని ట్వీట్ చేశాడు. ఓటమికి భారత ప్రధాన పేసర్‌ మహ్మద్ షమీనే కారణమంటూ కొందరు నెట్టింట రచ్చ రచ్చ చేస్తున్నారు. షమీ పాక్‌కు అమ్ముడుపోయాడు, అతన్ని పాక్‌కు తరిమికొట్టాలంటూ భారీ ఎత్తున ట్రోల్‌ చేస్తున్నారు. దీనిపై ఆగ్రహం వ్యక్తం చేసిన మాజీ ఆటగాళ్లు అనేకమంది షమీకి మద్దతుగా నిలిచారు. వీరేంద్ర సెహ్వాగ్, మాజీ కెప్టెన్ మహ్మద్ అజారుద్దీన్, హర్భజన్ సింగ్, యుజ్వేంద్ర చాహల్, ఇర్ఫాన్ పఠాన్ షమీకి మద్దతు తెలిపారు.
When we support #TeamIndia, we support every person who represents Team India. @MdShami11 is a committed, world-class bowler. He had an off day like any other sportsperson can have.
I stand behind Shami & Team India.
— Sachin Tendulkar (@sachin_rt) October 25, 2021
