టాలీవుడ్ బిగ్గెస్ట్ ప్రాజెక్ట్‌లకు జక్కన్న చాలెంజ్..
దిశ, వెబ్‌డెస్క్: జక్కన్న ఏది చేసినా చాలా గొప్పగా ఉంటుంది. తన ఆలోచనా విధానమే అంత. అది సినిమా లేదా చిన్న స్కిట్ అనే కాదు! ఎంత చిన్న పనైనా సరే.. తను చేయి వేశాడంటే నెక్స్ట్ లెవల్‌కు వెళ్లాల్సిందే. ఇదంతా ఎందుకు చెప్తున్నామంటే, ఒక చాలెంజ్ స్వీకరించినప్పుడు.. చేశామా? పూర్తయిందా? మన పని మనం చూసుకున్నామా? అన్నట్లుగా కాకుండా, ఆ పనిని తర్వాతి లెవల్‌కు రీచ్ అయ్యేలా ప్లాన్ చేశాడు.
విషయం ఏంటంటే.. ఈ మధ్య ‘ఆర్ఆర్ఆర్’ హీరో రామ్ చరణ్ తేజ్ గ్రీన్ ఇండియా చాలెంజ్ పూర్తి చేసిన విషయం తెలిసిందే. అంతేకాదు ఈ చైన్ ఇలాగే కొనసాగేందుకు ‘ఆర్ఆర్ఆర్’ టీమ్ మొత్తాన్ని నామినేట్ చేశాడు చెర్రీ. సాధారణంగానే సమాజం పట్ల, ప్రకృతి పట్ల ప్రేమ ఉన్న ఎస్.ఎస్. రాజమౌళి, కెప్టెన్ ఆఫ్ ది ‘ఆర్ఆర్ఆర్’ షిప్.. దీన్ని నిజంగానే చాలెంజింగ్‌గా తీసుకున్నాడు. ఈ క్రమంలో టీమ్ అందరితో కలిసి ఓ వనాన్నే నాటేశారు. ఇక ఈ చాలెంజ్‌కు టాలీవుడ్ బిగ్గెస్ట్ ప్రాజెక్ట్స్ ‘ఆచార్య, రాధే శ్యామ్, పుష్ప’ టీమ్‌లను నామినేట్ చేశాడు. అందుకే ఆయన అభిమానులు.. జక్కన్న ఆలోచన విధానమే వేరని పొగిడేస్తున్నారు.
కాగా తారక్, చరణ్ ఇప్పటికే గ్రీన్ ఇండియా చాలెంజ్ పూర్తి చేయగా.. ఈ వీడియోలో కనిపించకపోయే సరికి అభిమానులు కాస్త నిరాశ చెందారు. జక్కన్న నువ్వు రిలీజ్ చేసే వీడియోస్‌లో హీరోలు తప్ప అందరూ ఉంటారు.. దివాళీకి మరో అప్‌డేట్ ఇస్తున్నారా? లేదా? అని ప్రశ్నిస్తున్నారు. మొక్కలు చెట్లు అయ్యేలోపు అయినా సినిమా రిలీజ్ చేస్తారా? అని అడుగుతున్నారు.
Team #RRRMovie accepted our Ramaraju @alwaysramcharan's challenge and all of us planted saplings🪴…
We now nominate the teams of #Acharya, #Radheshyam, #Pushpa… 🤗 #GreenIndiaChallenge#HaraHaiTohBharaHai pic.twitter.com/m9GkifOGyp— RRR Movie (@RRRMovie) November 11, 2020
