రిషి కపూర్ ఇక లేరు

బాలీవుడ్ మరో లెజెండరీ యాక్టర్ ను కోల్పోయింది. సినీ ఇండస్ట్రీలో తనదైన ముద్ర వేసిన ఎవర్ చార్మింగ్ సూపర్ స్టార్ రిషి కపూర్ ఇక లేరు. అమర్ అక్బర్ ఆంటోనీ, చాందిని, బాబీ, మేరా నామ్ జోకర్, లైలా మజ్ను, సర్గం లాంటి చిత్రాలతో ప్రేక్షకుల మదిలో చెరగని ముద్రవేసిన రిషి కపూర్… క్యాన్సర్ తో కన్నుమూశారు. 67 ఏళ్ల రిషి కపూర్ కు శ్వాస కోశ సంబంధిత సమస్య కూడా తోడు కావడంతో బుధవారం ముంబైలోని ఆస్పత్రిలో చేరారు. పరిస్థితి విషమించడంతో చికిత్స పొందుతూనే కన్నుమూశారు.

క్యాన్సర్ చికిత్స కోసం 2018లో న్యూయార్క్ వెళ్ళిన రిషి కపూర్… సెప్టెంబర్ 2019లో ఇండియా తిరిగొచ్చారు. ఆ తర్వాత రెండు సార్లు హాస్పిటల్ లో చేరినా… ప్రాణాలకు ప్రమాదం ఏమీ లేదని డాక్టర్లు స్పష్టం చేయగా అభిమానులు ఊపిరి పీల్చుకున్నారు. కానీ బుధవారం శ్వాస కోశ సంబంధిత సమస్యతో హాస్పిటల్ లో చేరిన రిషి కపూర్ కుటుంబీకులు, అభిమానులను శోకంలోకి నెట్టేసి తార లోకంలో కలిసిపోయారు. తిరిగిరాని లోకాలకు వెళ్లిపోయారు.

ఆయన మృతిపై పలువురు సినీ ప్రముఖులు సంతాపం తెలిపారు. స్నేహితుడు అమితాబ్ బచ్చన్ ఎమోషనల్ ట్వీట్ చేశాడు. రిషి ఇక లేడు… వెళ్ళిపోయాడు… నా హృదయం ముక్కలై పోయింది అంటూ ఆవేదన వ్యక్తం చేశారు.

Tags: Rishi Kapoor, Bollywood, Laila Majnu, Chandini, Amitab Bachan