నేడే RGV ’మర్డర్‘ మూవీ రిలీజ్

దిశ, వెబ్‌డెస్క్: సంచలన దర్శకుడు రామ్ గోపాల్ వర్మ మిర్యాలగూడ అమృత ప్రణయ్ జీవిత కథ ఆధారంగా ‘మర్డర్’ సినిమా తెరకెక్కిస్తున్న సంగతి తెలిసిందే. అనేక వివాదాల అనంతరం ఎట్టకేలకు ఈ సినిమా నేడు రిలీజ్‌కు సిద్ధమైంది. మొత్తం తెలుగులో రెండు వందల థియేటర్లలో ఈ సినిమా విడుదల అవుతుంది. అంతేగాకుండా రేపు కన్నడలో 100 థియేటర్లలో విడుదల కానుంది. అయితే ప్రణయ్‌ సొంత జిల్లా అయిన ఉమ్మడి నల్లగొండలో మాత్రం ఈ సినిమా విడుదలకు బ్రేక్ పడింది. కోర్టు గ్రీన్ సిగ్నల్ ఇచ్చినప్పటికీ నల్గొండలో థియేటర్ల యజమానులు ముందుకు రాలేదని చిత్ర దర్శకుడు నట్టికుమార్ చెప్పుకొచ్చారు. నల్గొండ జిల్లాలో మర్డర్ సినిమా రిలీజ్ కాకుండా బెదిరించి ఆపేశానంటూ చిత్ర యూనిట్ ఆరోపణలు చేస్తోంది.