'బాందేవ్‌'గా రానా అగ్రెసివ్ లుక్
రానా దగ్గుబాటి… బాహుబలి సినిమాతో పాన్ ఇండియా యాక్టర్‌ అయిపోయాడు. భళ్లాల దేవగా పూర్తి విలనిజాన్ని ప్రదర్శించి… బాహుబలికి గట్టిపోటి ఇచ్చాడు. అనారోగ్య కారణాల వల్ల కొంత బ్రేక్ ఇచ్చి ప్రస్తుతం యాక్టివ్‌గా షూటింగ్‌లో పాల్గొంటున్న రానా మల్టీ లింగ్వల్ మూవీ ‘హాథీ మేరే సాథీ’ ఫస్ట్ లుక్‌తో అదరగొట్టేశాడు. ఇంటెన్సివ్ లుక్‌తో సినిమాపై హై ఎక్స్‌పెక్టేషెన్స్ క్రియేట్ చేశాడు.
ఫస్ట్‌లుక్‌లో చాలా అగ్రెసివ్‌గా కనిపిస్తున్న రానా కళ్లతోనే మాట్లాడేస్తున్నట్లుగా ఉంది. ఓ గొప్ప ప్రొటెక్టర్‌గా, ఇంటెన్సివ్ లుక్‌తో ఉన్న రానాను చూస్తుంటే అసలు సినిమా కథ ఏమై ఉంటుందా? అని ప్రేక్షకుడిని ఆలోచింపచేస్తుంది. ప్రభు సోలోమన్ దర్శకత్వం వహిస్తున్న ఈ సినిమాకు మ్యూజిక్ శంతను మోయిత్ర అందిస్తున్నారు. తెలుగులో అరణ్య, తమిళ్‌లో కాదన్‌గా వస్తున్న సినిమా ఏప్రిల్ 2న విడుదల కానున్నట్లు తెలిపింది చిత్ర యూనిట్. శ్రియా పిగల్వోంకర్ హీరోయిన్‌గా నటిస్తుండగా జోయా హుస్సేన్ కీలకపాత్ర చేస్తున్నారు. ఇరోస్ ఇంటర్నేషనల్ నిర్మాణ సారథ్యంలో మూవీ తెరకెక్కుతుంది.
