యానిమేటెడ్ షో.. ‘వై ఆర్ యూ’తో వస్తున్న రానా
దిశ, వెబ్‌డెస్క్ : ఇటీవలే బ్యాచిలర్ బ్యాచ్ నుంచి బయటపడి, మూడు ముళ్ల బంధంలోకి అడుగుపెట్టిన హీరో రానా.. లైఫ్‌లోనే కాదు, కెరీర్‌లోనూ అందరికంటే ముందుగా ఆలోచిస్తాడు. అందుకే ఓ వైపు హీరోగా సినిమాలు చేస్తూనే.. విలన్‌ పాత్రలకు సై అంటాడు. క్యారెక్టర్ చిన్నదైనా, ఇంపాక్ట్ క్రియేట్ చేస్తుందనుకుంటే సింపుల్‌గా ఓకే చెప్పేస్తాడు. ఇక నిర్మాతగానూ తన అభిరుచికి తగ్గ సినిమాలు తీస్తున్న రానా.. యాంకర్‌గా మారి బుల్లితెరపైనా సత్తా చాటాడు. ఇలా కాలానికి తగ్గట్లుగా భవిష్యత్తుకు బాటలు వేసుకునే ఈ టాలీవుడ్ హంక్.. ఇప్పుడు యానిమేటెడ్ కామెడీ షో‌తో మరోసారి ప్రేక్షకులను అలరించనున్నాడు.
రానా హీరోగా ఎంట్రీ ఇవ్వకముందు.. విజువల్ ఎఫెక్ట్స్‌ కోఆర్డినేటర్‌గా దాదాపు 70 సినిమాలకు పనిచేసిన విషయం తెలిసిందే. తనకు యానిమేషన్, విజువల్ ఎఫెక్ట్స్‌పై మంచి పట్టు ఉంది. కాగా, ఈ సారి యానిమేషన్ సిరీస్‌తో మన ముందుకు రాబోతున్నాడు. ఈ విషయాన్ని స్వయంగా రానా సోషల్ మీడియా వేదికగా ప్రకటించడంతో పాటు దానికి సంబంధించిన టీజర్‌ను కూడా రిలీజ్ చేశాడు. ‘వై ఆర్ యూ?’ అనే పేరుతో వస్తున్న ఈ కార్యక్రమానికి రానా హోస్ట్‌గా ఉండటంతో పాటు క్రియేటివ్ ప్రొడ్యూసర్‌గానూ వ్యవహరిస్తున్నాడు. ఈ టీజర్‌లో స్పానిష్ పెయింటర్ సాల్వదార్ డాలీని రానా ఇంటర్వ్యూ చేసిన తీరు చాలా ఫన్నీగా ఉంది. వై ఆర్ యూ, అసలు ఓ పెయింటర్ ఈ ప్రపంచానికి ఏం కంట్రిబ్యూట్ చేస్తాడు? నీ సమకాలీకుల్లో.. ఏ పెయింటర్ అంటే చాలా ఇష్టం? అంటూ రానా ప్రశ్నలు అడుగుతుండగా.. డాలీ వాటికి ఫన్నీ సమాధానాలు చెబుతున్నాడు. షో గురించిన పూర్తి వివరాలు త్వరలోనే తెలియనుండగా, రానా ప్రస్తుతం ‘అరణ్య, విరాటపర్వం’ అనే సినిమాల్లో నటిస్తున్నాడు.
Why are you? With @RanaDaggubati #whyareyou? #YRU? #toosid pic.twitter.com/akCNyiEJ9G
— Rana Daggubati (@RanaDaggubati) September 20, 2020
