రోశయ్యకు రాహుల్, రేవంత్ నివాళులు

దిశ, తెలంగాణ బ్యూరో : మాజీ సీఎం రోశయ్య మృతి పట్ల ఏఐసీసీ మాజీ అధ్యక్షులు రాహుల్ గాంధీ సంతాపం ప్రకటించి సానుభూతి వ్యక్తం చేశారు. ఈ మేరకు రోశయ్య కుమారుడు శివతో రాహుల్ ఫోన్‌లో మాట్లాడారు. కాంగ్రెస్ పార్టీతో రోశయ్యకు ఉన్న అనుబంధాన్ని కాంగ్రెస్ నేత రాహుల్ గుర్తు చేసుకున్నారు. ఆపై కేవీపీ రామచందర్ రావుతో రాహుల్ ఫోన్‌లో మాట్లాడారు.

ఈ సందర్భంగా రోశయ్య మృతి వివరాలను రాహుల్‌కు కేవీపీ వివరించారు. టీపీసీసీ చీఫ్​రేవంత్​రెడ్డి పార్టీ జెండాను రోశయ్య భౌతికకాయంపై ఉంచి నివాళులర్పించారు. రాష్ట్రంలోని పార్టీల నేతలంతా రోశయ్య కుటుంబానికి సానుభూతి వ్యక్తం చేశారు. అదేవిధంగా సీఎం కేసీఆర్.. రోశయ్య భౌతికకాయాన్ని సందర్శించి నివాళులర్పించారు. పార్టీలకతీతంగా సంతాపం ప్రకటించారు.

రోశయ్య సర్వజ హితాభిలాషి.. వెంకయ్య నాయుడు