విద్యార్థిని బూటు కాలుతో తన్నిన పోలీసు.. వీడియో వైరల్

దిశ, వరంగల్ ప్రతినిధి : పాఠశాలల్లో కరోనా కేసులు పెరుగుతుండటంతో విద్యాసంస్థలు మూసివేయాలని తెలంగాణ ప్రభుత్వం నిర్ణయం తీసుకున్న విషయం తెలిసిందే. అయితే, పరీక్షల వేళ విద్యాసంస్థలు మూసివేస్తే విద్యార్థులు తీవ్రంగా నష్టపోతారని, ఈ నిర్ణయాన్ని ప్రభుత్వం వెంటనే ఉపసంహరించు కోవాలని కోరుతూ హన్మకొండ నయీమ్ నగర్‌లో ఏబీవీపీ విద్యార్థులు ధర్నా దిగారు.

ఈ క్రమంలోనే ప్రభుత్వ దిష్టిబొమ్మను దగ్ధం చేసేందుకు ప్రయత్నిస్తుండగా పోలీసులు అడ్డుకుని అరెస్టులు చేశారు. నిరసనకారులను వాహనాల్లో ఎక్కించే క్రమంలో పోలీసులకు విద్యార్థులకు మధ్య పెనుగులాట జరిగింది. దీంతో సహనం కోల్పోయిన ఓ పోలీసు అధికారి విద్యార్థిని బూటు కాలితో తన్నాడు. ఈ దృశ్యాలు వీడియాలో రికార్డు అయ్యాయి. నిరసనకారుల పట్ల అనుచితంగా ప్రవర్తించిన పోలీసుపై చర్యలు తీసుకోవాలని కోరుతూ ఏబీవీపీ విద్యార్థి సంఘాల నాయకులు డిమాండ్ చేస్తున్నారు.