ఆవుపై అర్థరాత్రి అత్యాచారం
దిశ, వెబ్‌డెస్క్: మానవత్వపు విలువలు రోజురోజుకూ మంటగలిసి పోతున్నాయి. భవిష్యత్‌లో మనిషి అని నిరూపించుకునేందుకు ఎన్ని పరీక్షలు ఎదుర్కొవాల్సి వస్తుందోనని సదరు వ్యక్తులకు కూడా అనుమానం కలగక మానదు. కామంతో కళ్లు మూసుకుపోయి కొందరు తాము ఎం చేస్తున్నామో కూడా అర్థం కాకుండా వ్యవహరిస్తున్నారు. ఇన్ని రోజులు వయస్సుతో సంబంధం లేకుండా మహిళల మీద అఘాయిత్యాలకు పాల్పడిన కొన్ని మానవ మృగాలు ఇప్పుడు నోరులేని జంతువులను కూడా వదలడం లేదు. సరిగ్గా ఇలాంటి ఘటనే మధ్యప్రదేశ్ రాజధాని భోపాల్‌లోని సుందర్‌నగర్‌ ప్రాంతంలో ఆలస్యంగా వెలుగులోకి వచ్చింది.
పోలీసుల కథనం ప్రకారం.. షబ్బీర్ అలీ అనే వ్యక్తి జులై 4వ తేదీన ఓ పశువుల పాకలోకి చొరబడిన ఆవుపై అత్యాచారం చేశాడు. ఉదయం 4 గంటల ప్రాంతంలో ఆవు అరుపులు విన్న ఇంటి యజమాని బయటకు వెళ్లి చూశాడు. అతడిని చూసి నిందితుడు భయంతో పారిపోయాడు. ఏదో జరిగి ఉంటుందని భావించి ఇంటి యజమాని సీసీ కెమెరాల్లో రికార్డైన ఫుటేజీ పరిశీలించాడు. అందులో మూగజీవిపై అత్యాచారం చేస్తున్న విజువల్స్ కనిపించాయి.దీంతో ఆ యాజమాని పోలీసులకు ఫిర్యాదు చేశాడు. ఈ మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
