Leo OTT : విజయ్ ‘లియో’ ఓటీటీ వివరాలు లీక్.. రిలీజ్ డేట్ ఇదే!

దిశ, సినిమా: దళపతి విజయ్, లోకేష్ కనగరాజ్ కాంబోలో వచ్చిన చిత్రం ‘లియో’. కోలివుడ్ టూ టాలీవుడ్ వరకు ప్రేక్షకులు ఎంతగానో ఎదురుచూస్తున్న ఈ మూవీ ఎట్టకేలకు ప్రపంచవ్యాప్తంగా అక్టోబర్ 19న విడుదలైంది. ప్రజంట్ అయితే ఈ సినిమాకు సూపర్ హిట్ టాక్ వస్తోంది. ఫైట్స్, క్లైమాక్స్ సీన్స్ అదిరిపోయాయని అంటున్నారు. కథ ప్రకారం హిమాచల్ ప్రదేశ్ రాష్ట్రంలోని ఓ చిన్న పట్టణంలో కాఫీ షాప్ పెట్టుకుని భార్య, ఇద్దరు పిల్లలతో సంతోషంగా జీవిస్తున్నా విజయ్ జీవితంలో అనేక మలుపులు ఎదురవుతాయి.

కానీ ఇంకో ట్విస్ట్ ఏమిటంటే కొంతమంది తమిళ ప్రేక్షకులు మాత్రం ఈ స్టోరీ అర్థం కాలేదని అంటున్నారు. ఇదిలావుంటే.. ఈ సినిమా ఓటీటీ విడుదల తేది, ప్లాట్‌ఫామ్ గురించి ఓ వార్త బయటకొచ్చింది. ‘లియో’ మూవీని ప్రముఖ ఓటీటీ దిగ్గజం నెట్‌ఫ్లిక్స్ సొంతం చేసుకుందని సమాచారం. అలాగే నవంబర్ మూడో వారంలో డిజిటల్ స్ట్రీమింగ్ చేసే అవకాశం ఉందట. దీనిగురించి అధికారికంగా ప్రకటన రావాల్సి ఉంది.