Skanda Movie OTT Release : ప్రముఖ ఓటీటీలో ‘స్కంద’ విడుదల.. ఆ రోజే స్ట్రీమింగ్?

దిశ, సినిమా: రామ్ పోతినేని హీరోగా బోయపాటి తెరకెక్కించిన ‘స్కంద’ మూవీ భారీ అంచనాల మధ్య గురువారం ప్రేక్షకుల ముందుకు వచ్చింది. హై వోల్టేజ్ యాక్షన్, ఫ్యామిలీ డ్రామా, లవ్ ట్రాక్ వంటి అంశాలతో బోయపాటి శ్రీను తన మార్క్‌తో ఈ మూవీని తెరకెక్కించాడు. అంతేకాకుండా ఈ మూవీకి సీక్వెల్‍గా ‘స్కంద 2’ కూడా తెరకెక్కించనున్నట్లు హింట్ ఇచ్చాడు దర్శకుడు. ఇదిలావుంటే ఈ సినిమా ఓటీటీ రిలీజ్ డేట్ గురించి ఆసక్తికరమైన చర్చ నడుస్తోంది. ప్రముఖ ఓటీటీ సంస్థ డిజిటల్ ప్లాట్ ఫామ్ డిస్నీ ప్లస్ హాట్ స్టార్ భారీ ధర వెచ్చించి కొనుగోలు చేసింది. అక్టోబర్ చివరి వారంలో లేదా నవంబర్ మొదటి వారంలో ఈ మూవీ ఓటీటీలో విడుదలకానుంది. అయితే సినిమా టాక్, కలెక్షన్స్ విషయాలను దృష్టిలో ఉంచుకుని ఓటీటీ స్ట్రీమింగ్ డేట్‌ను అనౌన్స్ చేయనున్నట్లు సమాచారం.