గుంటూరు కారం నైజాం రైట్స్ అంత పలికిందా?
దిశ, వెబ్డెస్క్ : సూపర్ స్టార్ మహేష్ బాబు ప్రస్తుతం గుంటూరు కారం మూవీ చేస్తోన్న సంగతి తెలిసిందే. ఈ సినిమా రెగ్యులర్ షూటింగ్ జూలై నుంచి మొదలుకాబోతోంది. మాటల మాంత్రికుడు త్రివిక్రమ్ కథ పూర్తిగా మార్చేసి మరల ఫ్రెష్ స్క్రిప్ట్ తో స్టార్ట్ చేస్తున్నారు. ఈ మూవీ పైన ఎక్స్ పెక్టేషన్స్ గట్టిగానే ఉన్నాయి. మహేష్ బాబు వరుస విజయా లతో దూకుడు మీద ఉండటం, అలాగే త్రివిక్రమ్ కూడా వరుస రెండు బ్లాక్ బస్టర్స్ తో జోరు చూపిస్తూ ఉన్నారు. ఈ కారణంగా గుంటూరు కారం మూవీ పై హైప్ క్రియేట్ అయ్యింది. ఇక దిల్ రాజు చాలా రోజుల తర్వాత మరల ఈ మూవీ నైజాం ఏరియా డిస్టిబ్యూషన్ రైట్స్ ని సొంతం చేసుకున్నారంట. ఏకంగా 42 కోట్లకి ఈ రైట్స్ ని దిల్ రాజు దక్కించుకున్నట్లు తెలుస్తోంది.
ఓ విధంగా ఇది చాలా పెద్ద మొత్తం అని చెప్పాలి. ఈ మధ్య ఆదిపురుష్ తో పాటు మరికొన్ని సినిమా ఆఫర్స్ చేతి లోకి వచ్చినా వదులుకున్న దిల్ రాజు ఈ మూవీ కోసం మాత్రం రిస్క్ చేయడం విశేషం. గతం లో సూపర్ స్టార్ సినిమాలతో దిల్ రాజు కి మంచి లాభాలు వచ్చాయి. ఈ కారణంగానే మహేష్ బాబు స్టొరీ సెలక్షన్ మీద నమ్మకంతో గుంటూరు కారం మూవీ పై ఏకంగా 42 కోట్లు పెట్టడానికి ముందుకొచ్చినట్లు టాక్ వినిపిస్తోంది. ఇక సూపర్ స్టార్ మహేష్ బాబు ఈ సినిమాని వీలైనంత వేగంగా కంప్లీట్ చేసి జక్కన్నతో చేయబోయే సినిమా కోసం సిద్ధం కానున్నారు. ఇక గుంటూరు కారం మూవీ సంక్రాంతికి రిలీజ్ చేయనున్నట్లు ప్రకటించారు. అయితే ఆ సమయానికి అవుట్ పుట్ రెడీ అయ్యే అవకాశం ఉండకపోవచ్చని టాక్. ఈ నేపథ్యం లో త్రివిక్రమ్ సమ్మర్ రిలీజ్ గా ఈ మూవీ ప్లాన్ చేస్తున్నట్లు ఇండస్ట్రీ వర్గాలలో వినిపిస్తోంది.
