కారు బీభత్సం.. ఒకరు మృతి

దిశ, వెబ్‌డెస్క్: నిర్మల్ జిల్లా భైంసా మండలం వానల్‌పాడ్ దగ్గర ఓ కారు బీభత్సం సృష్టించింది. రోడ్డుపై నడుచుకుంటూ.. వెళ్తున్న పాదచారులతో పాటు బైక్‌పై కారు దూసుకెళ్లింది. ఈ ప్రమాదంలో ఒకరు అక్కడికక్కడే మృతిచెందగా, మరో ముగ్గురికి తీవ్రగాయాలు అయ్యాయి. గమనించిన స్థానికులు వెంటనే క్షతగాత్రులను స్థానిక భైంసా ఆస్పత్రికి తరలించారు. అనంతరం సమాచారం అందకున్న పోలీసులు ఘటనా స్థలానికి చేరుకుని, కేసు నమోదు చేసుకున్నారు.