బండ్లన్నా.. ఏందన్నా ఇది.. పండుగ వేళ ట్రెండింగ్‌లో బండ్ల గణేష్.. ఏం చేశారంటే.?
దిశ, వెబ్‌డెస్క్ : తెలుగు సినీ ఇండస్ట్రీలో బండ్ల గణేష్ అంటేనే సంచలనాలకు మారుపేరు. ఆయన స్టేజీ ఎక్కితే మామూలుగా ఉండదు. అలాగే ఎవరైనా బండ్లను ఇంటర్వ్యూ చేసిన ఆయన సమాధానాలు ఎంతో ఫన్నీగా ఉంటాయి. ఇలా ఆయన ఏది చేసినా అది సోషల్ మీడియాలో వైరల్‌గా మారిపోతుంది. తాజాగా ‘మా’ ఎలక్షన్స్ సమయంలో కూడా బండ్ల గణేష్ చేసిన హడావుడి అంతా ఇంతా కాదు. ఇక, గురువారం దీపావళి సందర్భంగా బండ్ల గణేష్ మరోసారి సోషల్ మీడియాలో ట్రెండింగ్‌లో నిలిచారు.
ఇంతకీ ఆయన ఏం చేశారని అనుకుంటున్నారా.. దీపావళి సందర్భంగా తెలుగు ప్రజలకు ట్విట్టర్ వేదికగా బండ్ల శుభాకాంక్షలు తెలిపారు. ఈ క్రమంలోనే ‘హ్యాపీ దీపావళి.. మా షాద్ నగర్‌లో’ అంటూ ఆయన తన తండ్రితో కూర్చుని ఉండగా.. ఎదురుగా భారీగా క్రాకర్స్ బాక్స్‌లు ఉన్నాయి. ఈ పోస్టు చూసిన వారంతా ‘బండ్లన్నా.. ఏందిది? దీపావళి సందడంతా నీ దగ్గరే ఉందిగా..?’, అన్న #దీపావళి జరుపుకుంటున్నవా లేక #పాకిస్తాన్ మీద #యుద్ధం ప్రకటిస్తున్నవా అన్న అంటూ ఫన్నీగా కామెంట్స్ చేస్తున్నారు.
Happy Deepali in my Shadnagar 👍🙏 pic.twitter.com/EDJPqHBErh
— BANDLA GANESH. (@ganeshbandla) November 4, 2021
