‘బాహుబలి’లో లేడీ సూపర్ స్టార్..

దిశ, సినిమా: లేడీ సూపర్‌స్టార్ నయనతార కింగ్ ఖాన్ షారుఖ్ ఖాన్‌ సినిమా ద్వారా బాలీవుడ్ ఎంట్రీ ఇవ్వబోతున్నట్లు ఈ మధ్యే మీడియా ప్రచారం చేసింది. ఈ క్రమంలో తన ఓటీటీ డెబ్యూ కూడా గ్రాండ్‌గా ఉండబోతున్నట్లు సమాచారం. ఇండియన్ సినిమా రికార్డులను బ్రేక్ చేసిన ‘బాహుబలి’ ప్రీక్వెల్‌తో డిజిటల్ వరల్డ్‌లోకి ఎంటర్ కాబోతున్నట్లు తెలుస్తోంది. నెట్‌ఫ్లిక్స్ ఒరిజినల్స్ ‘బాహుబలి- బిఫోర్ ది బిగినింగ్’ సిరీస్‌లో నటిస్తున్నట్లు సోషల్ మీడియాలో ట్రెండింగ్‌లో ఉంది. ఇప్పటికే వామికా గబ్బి శివగామి పాత్రలో కనిపించబోతోందని తెలుస్తుండగా.. నయన్ ఏ క్యారెక్టర్‌ చేయబోతుందో మేకర్స్ త్వరలో ప్రకటించనున్నారు. కాగా కునాల్ దేశ్‌ముఖ్, రిభు దాస్‌గుప్తా దర్శకత్వం వహించనున్న సిరీస్ సెప్టెంబర్ నుంచి సెట్స్ మీదకు వెళ్లనుంది.