సైఫ్ అలీఖాన్ కేసులో కీలక పరిణామం.. నిందితుడ్ని గుర్తించిన సిబ్బంది

దిశ,వెబ్‌డెస్క్: బాలీవుడ్(Bollywood) నటుడు సైఫ్ అలీఖాన్(Saif Ali Khan) పై గత నెల(జనవరి) 16వ తేదీన ఓ దుండగుడు దాడి చేసిన విషయం తెలిసిందే. వేకువజామున దుండగుడు మెట్ల మీద నుంచి వచ్చి సైఫ్ పై దాడికి పాల్పడ్డాడు. ఈ క్రమంలో ఆ వ్యక్తి సైఫ్ ను కత్తితో పొడిచి అక్కడి నుంచి పారిపోయాడు. రక్తపు మడుగులో ఉన్న సైఫ్‌ను వెంటనే ఆటోలో లీలావతి ఆస్పత్రి(Lilavati Hospital)కి తీసుకెళ్లారు. వైద్యులు రెండు సర్జరీలు చేసి.. వెన్నుపాములో ఉన్న కత్తిని తొలగించారు. దీంతో సైఫ్ అలీఖాన్ ప్రాణాపాయం నుంచి బయటపడ్డాడు.

ఇదిలా ఉంటే.. కత్తిపోట్లకు గురైన బాలీవుడ్ నటుడు సైఫ్ అలీఖాన్ కేసులో కీలక పురోగతి లభించింది. దాడి చేసిన నిందితుడిని సైఫ్ ఇంట్లోని సిబ్బంది గుర్తించారు. పోలీసులు నిర్వహించిన ఐడెంటిఫికేషన్ పరేడ్‌(Identification Parade)లో నిందితుడిని వారు స్పష్టంగా గుర్తించి చూపించారు. సైఫ్ పై దాడి చేసింది అతడేనని పోలీసులకు తెలిపారు. ఆ రోజు దాడికి పాల్పడింది మహమ్మద్ షరీపూల్ ఇస్లాం షెహజాద్ అని తేల్చి చెప్పారు. కాగా ఈ కేసులో ప్రధాన నిందితుడిగా బంగ్లాదేశ్‌(Bangladesh)కు చెందిన షరీఫుల్ ఇస్లాం షెహజాద్‌ను పోలీసులు అరెస్ట్ చేసిన విషయం తెలిసిందే.