ఫుల్లు ట్రాఫిక్... అయినా రోడ్డు మధ్యలోనే బస్సు ఆపి టీ తెచ్చుకున్న డ్రైవర్ (వీడియో)

దిశ, వెబ్ డెస్క్: ఓ వ్యక్తి ఓ వీడియోను సోషల్ మీడియాలో పోస్ట్ చేశాడు. ఇప్పుడా వీడియో తెగ వైరల్ అవుతోంది. ఆ వీడియో చూసిన కొంతమంది పాజిటివ్ గా, ఇంకొంతమంది నెగెటివ్ గా కామెంట్స్ చేస్తున్నారు. మొత్తానికి ఆ వీడియోకు సంబంధించి రెండు రకాలుగా కామెంట్ల వర్షం కురుస్తోంది. వివరాల్లోకి వెళ్లితే.. ఢిల్లీ యూనివర్సిటీ నార్త్ క్యాంపస్ వైపు రోడ్డుపై ట్రాఫిక్ రద్దీగా ఉంది. ఈ సమయంలోనే రోడ్డుపై వెళ్తున్న ఢిల్లీ ట్రాన్స్ పోర్ట్ బస్సును డ్రైవర్ మధ్యలోనే నిలిపివేశాడు. అంతరం బస్సు దిగి రోడ్డు దాటి టీ తెచ్చుకుని మళ్లీ బస్సు ఎక్కాడు. ఇదంతా కూడా వీడియో తీసిన ఓ వ్యక్తి సోషల్ మీడియాలో పోస్ట్ చేశాడు. దీంతో ఆ వీడియో వైరల్ గా మారింది. ఈ వీడియో చూసిన కొందరు నెటిజన్స్ భారతీయులకు ఛాయ అంటే ఎంతో ప్రేమో ఈ వీడియో చూస్తే అర్థమైతదని కామెంట్స్ చేస్తున్నారు. ఇంకొందరేమో డ్రైవర్ కు వ్యతిరేకంగా కామెంట్లు పోస్ట్ చేస్తూ ఆగ్రహం వ్యక్తం చేస్తున్నారు. మొత్తంగా ఈ వీడియో ప్రస్తుతం సోషల్ మీడియాను షేక్ చేస్తున్నది.