టెర్రరిస్టుల అటాక్ : ఉగ్రవాదుల కోసం సైన్యం భారీ సెర్చ్ ఆపరేషన్

దిశ, వెబ్‌డెస్క్: జమ్ముకశ్మీర్ లో గురువారం సైనిక వాహనంపై జరిగిన దాడి నేపథ్యంలో ఆ ప్రాంతంలో భద్రతా బలగాలు సెర్చ్ ఆపరేషన్ చేపట్టాయి. పూంఛ్ జిల్లాలోని బాటా దొరియా ప్రాంతంలో ఈ గాలింపు చర్యలు కొనసాగుతున్నాయి. టెర్రరిస్ట్ లను గుర్తించేందుకు అధికారులు డ్రోన్లు, స్పిఫర్ డాగ్స్‌తో జల్లెడ పడుతున్నారు. సరిహద్దు జిల్లాల్లో అధికారులు హై అలర్ట్ ప్రకటించారు. భింబర్ గాలి - పూంఛ్ మధ్య వాహనాలను దారి మళ్లించారు. ఘటనా స్థలాన్ని ఎన్ ఐఏ పరిశీలించింది. రాష్ట్రీయ రైఫిల్స్ యూనిట్ కు చెందిన సోలర్ల వాహనంపై గురువారం ముష్కరులు గ్రనేడ్లతో దాడి చేయగా ఐదుగురు సజీవ దహనం అయ్యారు. మరొకరికి తీవ్రగాయాలయ్యాయి.