ఈ తహసీల్దారు రసికుడే..!

దిశ, వెబ్‌డెస్క్ :

రెవెన్యూ ఉద్యోగులు ఈ మధ్యకాలంలో చాలా కేసుల్లో ఇరుక్కుంటున్నారు. ముఖ్యంగా అక్రమార్జన విషయంలో ఎక్కడోచోట అధికారులు బుక్ అవుతూనే ఉన్నారు. ఈ నేపథ్యంలోనే కర్ణాటకలోని ఓ తహసీల్దారు మాత్రం కొంచెం డిఫరెంట్‌గా ట్రై చేశారు. ఆఫీసు పరిసరాల్లో ఏకంగా ఓ మహిళతో ముద్దుముచ్చటలాడుతూ కనిపించారు. సీసీ కెమెరాల్లో రికార్డు అయిన ఈ దృశ్యాలు తాజాగా వెలుగులోకి రావడంతో ఆ ఉన్నతాధికారి రాసలీలలు ఆ రాష్ట్రంలో వైరల్‌గా మారాయి.

వివరాల్లోకివెళితే .. కర్ణాటక రాష్ట్రంలోని కొప్పళ నగరాభివృద్ధి ప్రాధికార కార్యాలయంలో పనిచేస్తున్నతహసీల్దార్‌ గురు బసవరాజు.. రెండు నెలల కిందట కుష్టిగి తహసీల్దార్‌గా పనిచేస్తున్న సమయంలో ఆఫీసు పరిసరాల్లోనే ఓ మహిళా ఉద్యోగికి ముద్దుపెడుతున్న వీడియో ఒకటి బయటకు వచ్చింది. అది కాస్త ఉన్నతాధికారుల దృష్టికి వెళ్లడంతో దీనిపై విచారణకు ఆదేశించారు. కాగా, ప్రభుత్వ కార్యాలయంలో తోటి మహిళా ఉద్యోగితో రాసలీలలకు పాల్పడిన అతనిపై కఠిన చర్యలు తీసుకోవాలని ప్రజాసంఘాలు డిమాండ్‌ చేస్తున్నాయి.